Vintercup Godøy - Vartdal på Hareid

BB: Tony Ristesund, Vartdal

Vartdal tapte for andre gong på rad ein jamn HGV-kamp, medan Godøy fekk seg ein etterlengta siger etter eit knapt tap mot Langevåg sist runde, og tap mot Langevåg kampen før. Dermed var det Godøy som stakk av med bronsepokalen i b-sluttspelet.


Men det var Vartdal som tok leiinga. Etter åtte minutt slo Tony Ristesund ein corner frå venstre. Ballen gjekk via ein Godøy-spelar og i mål. Åtte minutt seinare var det Godøy sin tur til å score ved hjelp av ein Vartdal-spelar. Henning Dyb var siste Godøy-spelar på ballen, men vi reknar også 1-1 som eit sjølvmål.
Etter 35 minutt gjekk Godøy opp i 2-1 etter eit skot frå Henning Dyb. Det kunne stått 2-2 halvvegs, men Kristian Stenerud slo til med ei flott redning.
Vartdal var totalt sett det beste laget i 2. omgang. Etter 60 minutt kunne Geir-Arne Kaspersen ført balanse i rekneskapen, men avslutninga gjekk over. Like etter kom den fortente utlikninga då Tony Ristesund fann nettmaskene.
Ristesund var saman med Godøy-keeper Stenerud to av dei mest sentrale aktørane på bana i 2. omgang. Då Vartdal-vingen prøvde lukka etter 72 minutt stod Stenerud i vegen.
Fire minutt før slutt fek Godøy straffe, og Henning Tafjord sette sikkert inn 3-2. Det vart også sluttresultatet. Godøy vann ein jamn og tett kamp som kunne ha bikka begge vegar.
Vi nyttar høvet til å takke begge lag for god innsats, god åtferd og generelt bra Fair Play gjennom heile turneringa. Lykke til i seriespelet.
Kampfakta
Hareid Group Vintercup, b-bronsefinale
Godøy - Vartdal 3-2 (2-1)
Mål: 0-1 Sjølvmål (8), 1-1 Sjølvmål (16), 2-1 Henning Dyb (35), 2-2 Tony Ristesund (61), 3-2 Henning Tafjord (86, straffe)
Dommar: Dag Harald Moldskred, Hareid IL (Hunstad og Brekke på linjene)
Godøy (tropp): Kristian Stenerud, Kay Amund Vartdal, Even Giskegjerde, Ørjan Dyb, Mikal Godø, Martin F. Dyb, Kristoffer Valkvæ, Kurt Erik Myrvang, Marcus Volle, Henning Dyb, Sven Harald Nyvoll, Magnus Alnes Optun, Henning Tafjord, Pawel Tarapta, Fredrik Valkvæ, Iver Valkvæ.
Vartdal (tropp): Martin Liaskar, Dan Andre Johansen, Thomas Vartdal, Arthur V. Mitgaard, Nils Petter Sæther, Are Bjørgum, Stian Volle, Frank Ristesund, Tony Ristesund, Geir Arne Kaspersen, Kenneth Holsæker, Anders Vartdal, Steffen Roth, Marius Roth, Vidar Johan Vartdal, Vetle Gjeilo.
Vartdal mangla Petter Ove Sætre, Rolf-Audun Vartdal, Jarl Vinjevoll og Frank Gjerde.
Henta i frå
http://fotball.hareidil.no/#cid=1&aid=94298