fredag 2. mars 2012

Vintercup Hødd 2 -Vartdal på Hareid


BB: Martin Liaskar, Vartdal

Hødd 2 var klare favorittar mot Vartdal i første kamp og tok også kjapt initiativet. Fleire sjansar vart skapte, men det var berre Robin Hjelmeseth som fekk ballen over mållinja. Ein av grunnane til at det berre stod 1-0 halvvegs var storspel frå Vartdal-keeperen Martin Liaskar. Utover i omgangen kom Vartdal meir med, utan å få noko spelemessig overtak.

 
Etter 50 minutt hadde Vartdal ein kjempesjanse til å utlikne. Men den brende dei, og i staden gjekk Hødd rett i angrep og dobla leiinga ved spydspissen Markus Hjorthaug. Då gjekk lufta litt ut av Vartdal, og ein periode frå det 70. til det 80. minutt handla det i stor grad om Hødd. Dei scora nye mål ved Hjelmeseth og deretter Ola Vattøy. Det kunne også blitt meir enn 4-0, men Martin Liaskar redda ei straffe frå Robin Hjelmeseth. Juryen var ikkje i tvil om at Liaskar skulle få pokalen for kampens bestemann.
Alt i alt ein fortent Hødd-siger. Men Vartdal, som spelte utan fire idrettstudentar som var på Bjorli, viste at dei har alvorlege planar om opprykk til 4.-divisjon. Og å plage fleire motstandarar i dei neste rundane av Hareid Group Vintercup.

Kampfakta:
Hødd 2 - Vartdal 4-0 (1-0)
1-0 Robin Hjelmeseth (14), 2-0 Markus Hjorthaug (51), 3-0 Robin Hjelmeseth (72), 4-0 Ola Vattøy (74)
Hjelmeseth brende også ei straffe etter 76 minutt.


Hødd sin tropp:
Ole Montrad Alme, Markus Kristiansen, Ole André Ringstad, Pål H. Skeide, Eirik Bringsvor, Håkon Orten Trovåg, Kristoffer Sætrenes, Henrik Grimstad, Markus Hjorthaug, Ola Kalvø Vattøy, Robin Hjelmeseth, Benjamin Mork Kleppe, Nils E. Engen, Eirik Vattøy, Havtor H. Skeide,
Christian Mork, Henrik Gjengård, Øyvind Hagen
Vartdal sin tropp:

Martin Liaskar, Steffen Roth, Anders Vartdal, Frank Gjerde, Rolf-Audun Vartdal, Nils Petter Sæther, Arthur V. Midtgård, Thomas Vartdal, Dan André Johansen, Jarl Vinjevoll, Petter Ove Sætre, Terje Brandal, Isak Julibø, Morten G. Sætre, Vidar Johan Vartdal

Ingen kommentarer:

Legg inn en kommentar