Tidlegare denne veka fekk FK Sykkylven tildelt tre poeng etter at Hasundgot ikkje klarte å stille lag då laga skulle møtast i slutten av august. Dermed måtte Vartdal slå Åheim på Remen for å halde følgje med FK Sykkylven i kampen om opprykk.
Heimelaget gjekk hardt ut frå start i jakt på storsiger.Vertane skapte halvsjansar dei første minutta, og fire minutt ut i kampen fekk Vartdal straffespark. Rolf-Audun sette ballen i tverrliggjaren, og Åheim fekk klarert. Tre minutt seinare hadde Åheim-målvakta eit dårleg mottak på eit tilbakespel. Rolf-Audun var vaken, og på ope mål sendte han heimelaget i føringa. Det var vertane som førte kampen, men offensivt fekk dei det ikkje heilt til å stemme. Åheim-laget forsvarte seg godt, men gav ikkje Vartdal problem defensivt. Heimelaget hadde to avslutningar i stolpen, heading utanfor frå ein meter og fleire andre sjansar i løpet av førsteomgang, men laga gjekk til pause på stillinga 1–0.
Kampbiletet frå
førsteomgang heldt fram i andreomgang. Etter 51 minutt spelte Rolf-Audun
flott gjennom Frank som banka inn 2–0 via tverrliggjaren. Fem
minutt seinare vart Jarl spelt fri på venstresida. Han fann
ein umarkert Rolf-Audun framfor mål, som enkelt sette inn 3–0. Som i
førsteomgang burde Rolf-Audun ha skåra meir mål på sjansane sine. Med eit
kvarter igjen av kampen prøvde Vartdal å slå eit innlegg. Ballen gjekk
mot mål, og hamne i nettveggen via handa til målvakta. Dermed 4–0 og Rolf-Audun sitt attande mål for sesongen. Åheim sin einaste sjanse kom fem
minutt før slutt, men Frank R fekk klarert på streken.
Lage som starta mot Åheim :
Thomas, Agnar, Petter Ove, Frank R, Geir Arne, Erling, Arthur, Steffen, Dan Andre, Rolf-Audun, Frank
Benytta innbyttera : Kristoffer, Jarl, Leidulf, Thomas, Jostein, Vidar Johan, Morten
Neste kamp er borte mot Langevåg torsdag 26. september kl. 18.30.
Ingen kommentarer:
Legg inn en kommentar